توْسِــيـــعة خَــــاطر 🌸ضحڪة فرح🌸

تخش لحياة جديدة وانت تحساب روحك بتعيش فيها احلا ايامك..
البدايات كانت حلوة علت سقف طموحاتك وخلاتك تتوقع الاجمل يكون القدام...
وللأسف ماكان القدام الا ..........
ومش معروف كيف ممكن نطلع من هالتجربة المريرة

وكم حجم الأثر اللي بتخليه فيا...

سيأتي على قلبك فترة أثقل من الجبال، ليست لِتكتئب، بل"لتسجُد وتقترِب"

وهَممْتُ أنْ أشْكو الهُمومَ لصَاحبِي
فذكرتُ أنَّك مِن وَريدِي أقربُ


عَبدٌ أنا والحُزن يَعصِرُ خَافقِي
ضمِّد جِراحِي إنَّني لكَ أهربُ

مرات تخونا الكلمات ومعاش نعرفوا كيف نعبروا من قوة المشاعر اللي نحسوا بيها بالذات لو كانت خوف كبير مع حزن اكبر...يثلعتم اللسان ومعاش يعرف يقول شي...
لو هالشي يصيرلنا قدام بشر زينا لو كان حبيب ممكن يواسينا بدون مايفهم..ولو كان بعيد حيتذمر...
بس خالقنا اللي يشوف لقلوبنا..
عارف كل شي..ومع هذا يسمعك ويواسيك ويهديك ويرفع معنوياتك...
زي ماصار مع سيدنا موسى لما امره الله سبحانه وتعالى يمشي لفرعون بش يدعوه للتوحيد وياخد بني إسرائيل..
فرعون اطغى حكام الأرض وقتها واكثرهم قوه وجبروت وفي بينه وبين موسى عليه السلام ثار..
كيف بيقدر يواجهه برغم هدا كله؟!
خاف موسى لأنه قبل ليكون نبي مرسل هو انسان خاف ع نفسه من بطش فرعون..
خاف لكن ماقالش لربي وقتها انه خايف..
(فأوجس في نفسه خيفة موسى)
لكن ربي اللي يشوف لقلبه كان عارف رد عليه وقاله..
(لاتخف)
ومش بس امن خوف ورفعله معنوياته بقوة لما قاله..
(إنك انت الأعلى)
يعني فرعون ع قوته وجبروته وملكه اللي مخوفينك انت أعلى منه..
وكيف مايكونش اعلى منه ومعا ربه الأعلى...!؟